Step by Step in Esperanto

903.

Klara kompreno sekvas misteron;
Dolĉo amaron; ĝojo suferon;
Lacon ripozo; garboj semadon;
Paco batalon; rido ploradon;

Amo solecon; forto malforton;
Suno nebulon; vivo la morton;
Certa espero longan timadon;
Hejmo ĉiela foran vagadon.

904.

Mario havis ŝafideton,
Ĝi portis blankan lanon;
Kaj kien ajn Mario iris,
Ĝi sekvis ŝian manon.

Ĝi iris kun ŝi al lernejo,
Sed kontraŭ la regulo;
Kaj la infanoj multe ridis
Pro vido de l’ novulo.

La instruisto ĝin forsendis,
Sed ĉe la pordo ĝi
Kun pacienco atendadis
La venon de Mari’.

Feliĉe tiam kuris ĝi,
For meti sian kapon
Sur ŝian brakon; kaj de ŝi
Neniam timis frapon.

“Pro kio, do, ĝi amas ŝin?”
La infanaro miris—-
“Nu! ĉar Mario amas ĝin”
La instruisto diris.

905. (a) Manĝ-(parol-promen-rakont-rest‑)i, ‑adi. Bat-(demand-dir-frap‑)i, ‑adi.

(b) Laboregadi, bruetadi, pretigadi, plibeliĝadi, Li ade (=daŭre) laboris.

«Ek-»

906. (a) The prefix EK- denotes the commencement (start, beginning, first moment) of an action. Ekbatali, join battle; ekbruli, catch fire; ekdormi, fall asleep; ekflami, burst into flames; ekflori, open; ekflugi, take wing; ekiri, start off; ekkanti, strike up; ekloĝi, take up residence; ekpensi, come to think; ekplori, burst into tears; ekreĝi, come to the throne; ekvidi, catch sight of.

(b) Sometimes ek denotes that the action is sudden or momentary, not prolonged. Ekbrili, ekfulmi, flash; ekbruligi, light; ekkapti, snatch; ekkrii, exclaim (Fr. écrier); ekpreni, grasp, seize; ekrigardi, glance; eksalti, start; ekskui, jog, jerk; ektremi, shudder, shiver.

(c) Do not say ekkomenci (begin to begin), if you mean komenci.

907. Petro rifuzas, Paŭlo ekuzas. Kiu levis la piedon, devas ekpaŝi. Valoron de objekto ni ekkonas post difekto. Fendita ligno facile ekbrulas. Ankaŭ al ni la suno eklumos. El klara ĉielo tondro ekbatis! Ekulo komencas, adulo potencas.

908. “Ĉu ekzistas kuracilo kontraŭ amo je unua ekrigardo?” “Jes; dua ekrigardo!”

Iu profesoro eliris el sia lito kaj ekbruligis alumeton, por kontroli, ĉu li estingis la kandelon.

“Se mi donus naŭ nuksojn al via frateto, kaj poste forprenus de li kvin, kio sekvus?” “Li ekplorus.”

Se vi havus nur unu alumeton, kaj enirus malluman ĉambron kun kandelo, gasforno, kaj cigaredo, kiun vi ekbruligus unue? (1191),

Li perdiĝis en nebulo. Ĝoje li ekvidis vojmontrilon kun surskribo. Li grimpis al la supro por ĝin legi. Ĝi diris “Malseka farbo.”

Inspektisto, al amiko: «Hodiaŭ matene mi demandis al knabo „Kiu verkis Hamleton?“ Li ekploris kaj respondis „Ne estis mi, sinjoro“.» La amiko: «La friponeto! Mi supozas, tamen, ke li vere estis la kulpulo?»