Очерки по истории русской агиографии XIV–XVI вв.

И со всъх сихъ прежереченных странъ собравъ полки многи и тмочисленныя своя вои подвиже, приид ратию на царя Тахтамыша, и бысть имъ бои и прогна царя Тахтамыша. И оттол восхот ити на Рускую землю, к Москв християнъ воевати. И проиде всю землю Татарскую и всю Орду и прииде близъ земли и предл Рязаньских и взя градъ Елецъ, и князя Елецкаго изыма, и многи люди помучи. И се слышавъ князь великии Василеи Дмитреевичь, собравъ воя многи и поиде с Москвы х Коломн, хотя ити противу его въ сртение его. И пришедъ ратью и ста на брез у рки у Оки. Темиру Аксаку же стоящу во единомъ мсте дв недли.

Граду же Москв пребывающу возмущении и готовящуся сидти во осад, и многу народу сущу отвсюду собравшуся. По вся же дни частым встемъ приходящимъ на Москву, возвещающи прещения и грозы Темирь Аксака, гонителя и мучителя, какъ готовится воевати Рускую землю, како похваляется итти к Москв, хотя взяти ю, како хощетъ люди руския плнити, а святыя церкви жещи, вру християньскую искоренити, а християнъ бити и гонити, томити и мучити, и огнемъ пещи и жещи, и мечемъ сщи. Бяше бо сеи Темирь Аксакъ велми нежалостивъ зло и немилостивъ, лютъ мучитель и[141] зол гонитель[142], жестокъ томитель, всегда воздвиже гонение велико на християны, яко же древнии зловрнии царие, прежнии гонителие и мучители на християны, яко же Иульянъ законопреступникъ и Диоклитианъ, Максимиянъ, и Дикии, и Ликинии и протчии мучители. Тако же Темирь Аксакъ мучительски похваляшеся, воздвигнути хотя гонение велико на християны. Сия же намъ страшныя и грозныя всти слышаще, вельми бывша народи християньстии в печали со воздыханиемъ и со слезами моляхуся Богу, дабы избавилъ Богъ от таковыя скорби и бды. Тогда Киприянъ митрополитъ повел всмъ людем поститися и молитися, и молебны пти. И вси людие, народи християньстии, с радостию и со тщаниемъ и со усердиемъ и с врою сотвориша постъ и молитву, покаяние и слезы, общания и завты, и кто же по своеи сил, от мала и до велика, и всии же моляхуся Богу.

Князь же вели кии Василеи Дмитреевичь погадавъ съ митрополитомъ Киприаномъ и со всми князьми и воеводами и с бояры старишими подумавъ, восхотша призвати на помощъ Святую Богородицу, заступницу нашу и скоропомощницу нашу, и в печали утшение наше, глаголюще: «Нсть избавляя инъ насъ от таковыя нужа и печали развие Тое, Та бо можетъ преложити печаль нашу на радость, Та бо можетъ заступити насъ и градъ нашъ Москву и всякъ градъ и страну и всяко мсто, ид же с врою призываютъ Ю на помощъ, может избавити от глада и от пагубы, и от погибели, и от труса, и от потопа, и от огня, и от меча, и от нахожения поганыхъ, и от натечения иноплеменных, от нападения вражия и от нашествия ратных, и от межиусобныя брани, и от кровопролития всякого, и от миръския печали, и от напрасныя смерти и от всякого злаго, находящаго на ны, токмо аще быхом с врою призывали Ее на помощъ, со усердиемъ молящеся Еи, и не погршимъ надежди». Да еже умыслиша, то и сотвориша, и послаша по икону въ славныи въ старыи во стольныи градъ Володимерь. Сим же тако бывающимъ.

В то же время клирики и святыя великия соборныя церькви Святая Богородица, иже в Володимери, протопопъ совтъ сотвори с протчими и попы, и со диаконы, и со клирошаны, и пречистую владычнюю икону Пречистыя Богородица взяша и понесоша ю от града Володимеря на Москву страха ради татарьска, но паче же страха ради Темирь Аксакова, его же иногда в повстехъ слышахомъ да лече суща под востоки конечными, нын же близъ яко при дверехъ приблизился есть, и готовится и поощряется и вооружается на ны зло. И бысть тогда мсяца августа 15 день, в самыи праздникъ честнаго и преславнаго преставления Пресвятыя Владычица нашея Богородица и приснодвица Мария нашея Богородица и заступница, и собрася весь градъ Володимерь, изыдоша на провожение чюдныя тоя честныя иконы, иже проводиша честно врою и любовию, страхомъ и желаниемъ, с плачемъ и со слезами далече шествие сотвориша, и от великие вры и от многия любве многи слезы излия.