Lernikursa de Lidepla

inplas-kwel-worda

Oli kinda pri bonbon.

Kada kinda yao chi bonbon.

Sey kinda chi bonbon ol dey.

Hir eni kinda mog lekti e rasmi. Koy kinda pri lekti pyu kem rasmi. Otre kinda pri rasmi pyu kem lekti.

Nul kinda pri go somni.

GRAMATIKA

frasa kom kwo-yuan

Me jan ke yu he zwo mucho. Bat me bu pri se ke yu he zwo.

Me vidi ke lu shwo kun ela. Bat me bu mog audi to ke lu shwo.

frasa kom kwel-yuan

Boy ke yu vidi janmog gani muy hao. Yu vidi boy kel janmog gani muy hao. Ti yu vidi na boy janmog gani muy hao.

Meteo.

Sedey meteo es hao. Surya brili, badal yok. Me promeni in shulin. Sirkum ye mucho grin baum. Es garme.

Yeri meteo bin ga otre. Pluvi-te. Me bin mokre fon kapa til pedas, bikos me fogeti-te ambrela. Bin lenge.

Kwel meteo ve bi manya? Me bu jan, me mog sol gesi. Shayad pluva ve yok.

budefini-ney hu-inplas-kwo-worda

Oni shwo ke lu rasmi hao. Bat me bu pri luy pikturas.

Yu stan tro dalem.

Dar oni bu mog audi nul worda!

Lai pyu blisem!

returni-inplas-worda

Yu es ga gande. Go woshi swa!

Kada sabah me woshi swa. E may mursha yoshi razi swa.

Ob yu mog ordini oli sey kitaba selfa, sin ke oni helpi yu?

Nu samaji mutu.

GRAMATIKA

mah-kwo-yuan-partikla

Me pri sey kitaba. Ob me mog pren it?

Kwo yu yao pren?

Den sey kitaba me yao pren. Me yao pren sey kitaba.

Me dai-te sey kitaba a sista de may amiga. Me dai-te a sista de may amiga den sey kitaba.

tema de frasa

Sey kitaba, me begin-te lekti it. Es muy interes-ney. Yur kalam, wen yu fini rasmi, dai ba it a me.

inplas-kwo-worda

Walaa un klosi-ney boxa. Me yao ofni it. Me bu jan kwo es inen.

Bat me nadi ke dar ye koysa kel es muy jamile.

Me audi koy vos.

Dar ye koywan, baken dwar.

Me bu yao chi! Me bu yao chi nixa!

Me bu jan luy nam. Me bu koni nulwan hir.

Me pri olo ke yu kuki. Yu mog kuki enisa ke yu yao.

Me pri oli ke yu lerni tuhun. Yu mog inviti eniwan ke yu yao. Kadawan mog lai.

inplas-komo-worda

Pon yur bao a koylok.

Koytaim me dai-te a yu may kitaba. Me nidi it nau. Ob yu mog returni it a me?

Me bu remembi a wo me pon-te may kalam. It mog bi enilok.

Me shuki e me bu mog findi it nullok.

Hir yur kalam yok. Shuki ba otrelok.

Yu koni kamina a nuy dom. Yu mog lai enitaim ke yu yao.

Ta lekti oltaim. Suy kitabas ye kadalok.

Koyves me visiti may oma kel jivi ausen urba. Laste yar me he visiti ta plurives.

Ob yu es in dom?

Unves me lai a yu, yu bu es in dom. Yur molya shwo: «Lai ba otreves».

Me mus zwo to koykomo.

Yu mog zwo to kom yu yao. Yu mog zwo to enikomo.

Yur jawaba bu es prave! Yu bu he resolvi sey taska!

Me he resolvi... koygrad...

Non! Yu he resolvi it nulgrad!

TEXTA

Telefon-ney toka

Haloo! Lena?

Ya, es me.

Hao aksham!

Aksham hao!

Nu go ba tuhun a playa manya.

Snova ku?

Ya. Me bu es basta tume.

Wel, me bu jan. Me treba dumi.

Ye nixa fo dumi. Yur brachas e gambas es ga blan. Yu gai go. Nu ambi gai go.

Bat me hev mucho dela.

Dela mog weiti. Playa es pyu muhim kem enisa otre. Samaji ba, surya dai sanitaa, surya dai jamilitaa.

Wel, shayad yu es prave. Wen nu go?

Ranem. Kem pyu ranem, tem pyu hao.

Hao. Me telefoni tuy ke me en-jagi.

Pyu hao, telefoni ba wen yu es tayar. Hao nocha!

Nocha hao!

Hey, Lena, weiti ba idyen! Me hampi fogeti: pren ba okula do surya, dabe kovri okos. Yoshi pren ba koysa fo kovri nos.

Me ve pren shapa do surya, it kovri ol fas.

Dan hao. Til sabah!

Til sabah!

konekti-worda "pa"

Ta go kway. Ta zwo gran stepa. Ta go pa gran stepa.

May oma jivi in vilaja. Inter vilaja e urba ye shi kilometra. May oma jivi pa shi kilometra fon urba.

Bu es dalem. Pa fakta, es ga blisem.

Ta mog lekti e toki pa same taim.

Pa un taraf de riva ye shulin, pa otre taraf ye livada.

konekti-worda "al"

Ta go e gani. Ta go al gani.

Me vidi yu, e me joi. Me joi al vidi yu.

Kindas somni, e winda es ofni-ney. Kindas somni al ke winda es ofni-ney. Kindas somni al ofni-ney winda.

Wen me audi sey gana me hampi sempre plaki. Al audi sey gana me hampi sempre plaki.

GRAMATIKA

budefini-ney wek-taim

Yu swimi ya gro-hao!

Me gwo zun swiming.

Skusi ba, ob nu gwo miti koylok? Semblem me koni yur fas.

Me bu rekoni yu. Non, nu bu gwo miti.

blise wek-taim

Me bu hev bonbon. Me yus he chi laste-la...

Nuy kota es wo?

Ta yus lopi-te wek.

blise lai-taim

Me bu mog go aus nau. Me sal chi deyfan.

yo-forma

Me bu lekti sey kitaba pyu.

It es yo lekti-ney.

It es yo lekti-ney bay me.

pasive partikla

Taska ke me resolvi es mushkile. Sey taska haishi bu es resolvi-ney. Me resolvi it nau. Taska gei resolvi. It gei resolvi bay me.

yao-shwoing

Me wud yao bi rega. Me wud regi zuy gran regilanda in munda. May molya wud bi zuy jamile gina in may regilanda. Ela wud janmog gani tanto hao...

Pa nofortuna, me bu es rega...