Вам поможет Николай Чудотворец

– Тяжелее всего – людская зависть. Некоторые даже грозятся; помешали мы им, этим атеистам… Иной раз говорят – отдай икону в храм, и пусть туда едут люди. Но если я отдам икону, то и благодать уйдет, и Николай Чудотворец от меня отступится. Скажет: ты меня отдала, и я тебя не знаю… Без искушений не обходится, да ведь все надо терпеть.

По мнению благочинного Бузулукского округа отца Леонида, это явление духовное дается для того, чтобы людей подкрепить в вере, может быть, перед каким-то испытанием. Единому Богу известно, для чего… Оренбуржец схиархимандрит Серафим (Томин) видит в мироточении икон особую благодать.

Трудно сказать, почему снизошла она в этот обычный домик. И впрямь – Един Господь весть. Оренбургский Архиепископ Валентин благословил Ольгу держать двери дома открытыми для всех, принимая и оделяя Божией благодатью каждого».

(газета «Благовест)

Кроме икон известных, чудотворных, в каждом городе, практически в каждом храме есть иконы святителя Николая, перед которыми вы можете помолиться. Адрес храма или монастыря, в которые можно пойти или поехать помолиться Николе Угоднику, вы можете выбрать в Списке икон святителя Николая, которая есть в Приложении этой книги.

Акафист Святителю и Чудотворцу Николаю, архиепископу Мир Ликийских

Кондак 1

Возбранный Чудотворче и изрядный угодниче Христов, миру всему источаяй многоценное милости миро и неисчерпаемое чудес море, восхваляю тя любовию, святителю Николае; ты же, яко имеяй дерзновение ко Господу, от всяких мя бед свободи, да зову ти: Радуйся, Николае, великий Чудотворче.

Икос 1

Ангела образом, земнаго суща естеством яви тебе всея твари Создатель; благоплодную бо доброту души твоея провидев, преблаженне Николае, научи всех вопити тебе сице: Радуйся, от утробы матерния очищенный; радуйся, даже до конца освященный. Радуйся, рождением своим родителей удививый; радуйся, силу душевную абие по рождестве явивый. Радуйся, саде земли обетования; радуйся, цвете Божественнаго саждения. Радуйся, лозо добродетельная винограда Христова; радуйся, древо чудоточное рая Иисусова. Радуйся, крине райскаго прозябения; радуйся, миро Христова благоухания. Радуйся, яко тобою отгонится рыдание; радуйся, яко тобою приносится радование. Радуйся, Николае, великий Чудотворче.

Кондак 2

Видяще твоих мир излияние, богомудре, просвещаемся душами и телесы, дивнаго тя мироточца живоносна, Николае, разумеюще: чудесы бо яко водами, благодатию Божиею изливающимися, напаяеши верно вопиющих к Богу: Аллилуйа.

Икос 2

Разум неуразуменный вразумляя о Святей Троице, был еси в Никеи со святыми отцы поборник исповедания православныя веры: равна бо Отцу Сына исповедал еси, соприсносущна и сопрестольна, Ариа же безумнаго обличил еси. Сего ради вернии научишася воспевати тебе: Радуйся, великий благочестия столпе; радуйся, верных прибежища граде. Радуйся, твердое Православия укрепление; радуйся, честное Пресвятыя Троицы носило и похваление. Радуйся, Отцу равночестна Сына проповедавый; радуйся, Ариа возбесившагося от Собора святых отгнавый. Радуйся, отче, отцев славная красото; радуйся, всех богомудрых премудрая доброто. Радуйся, огненная словеса испущаяй; радуйся, добре стадо свое наставляяй. Радуйся, яко тобою вера утверждается; радуйся, яко тобою ересь низлагается. Радуйся, Николае, великий Чудотворче.

Кондак 3

Силою, данною ти свыше, слезу всяку отъял еси от лица люте страждущих, богоносе отче Николае: алчущим бо явился еси кормитель, в лучине морстей сущим изрядный правитель, недугующим исцеление и всем всяк помощник показался еси, вопиющим Богу: Аллилуйа.

Икос 3

Имеяше воистинну, отче Николае, с Небесе песнь тебе воспеваема быти, а не от земли: како бо кто от человек возможет твоея святыни величия проповедати? Но мы, любовию твоею побеждаеми, вопием ти сице: Радуйся, образе агнцев и пастырей; радуйся, святое очистилище нравов. Радуйся, добродетелей великих вместилище; радуйся, святыни чистое и честное жилище. Радуйся, светильниче всесветлый и вселюбимый; радуйся, свете златозарный и непорочный. Радуйся, достойный Ангелов собеседниче; радуйся, добрый человеков наставниче. Радуйся, правило веры благочестивыя; радуйся, образе кротости духовныя. Радуйся, яко тобою от страстей телесных избавляемся; радуйся, яко тобою сладостей духовных исполняемся. Радуйся, Николае, великий Чудотворче.

Кондак 4

Буря недоумения смущает ми ум, како достойно есть пети чудеса твоя, блаженне Николае; никтоже бо может я исчести, аще бы и многи языки имел и глаголати восхотел; но мы дивно Богу, в тебе прославляющемуся, дерзаем воспевати: Аллилуйа.

Икос 4