Собрание сочинений, том 4

Напротив того, весьма блаженная и всежелаемая перемена — от малой и временной скорби (от малой, говорю, ибо какая бы в мире сем ни была скорбь, и сколь долговременна бы ни была, — она ничто против будущей и вечной скорби), в вечную радость и веселье избранных Божиих переселиться, и Христа лицом к лицу видеть, как солнце, сияющее и просвещающее избранных Своих. Преблагополучны те, которые части той блаженной сподобляются, и благополучия их не только словом изобразить, но и умом понять невозможно, хотя они в мире сем попираемы бывают, как сор непотребный. Напротив того, бедные и окаяннейшие — те, которые ради прихотей своих этого лишаются жребия, хотя бы их, как богов, в этом веке почитали и им бы поклонялись.

Потому всегда достойно с верою воздыхать к Отцу щедрот и всякой утехи Богу: Помяни нас, Господи!– и прочее. Но прежде от грехов и суеты этого мира отвратиться, и обратиться всем сердцем к Нему, и так, признавая свою неправду и заблуждение, каяться и молиться.

§336. Молитвы ко Христу, Сыну Божьему, взятые из Святого Евангелия

1. Молитва, взятая из притчи о сеющем семя

(Мф. 13:3-8).

«Сыне Божий, Иисусе Христе, явивыйся во смиренной нашей плоти на земли, и посеявый доброе веры семя на селе мира сего! Огради страхом Твоим сердце мое, да не приходя лукавый восхищает посеянное Слова Твоего семя, и очисти сердце мое от терний печали века сего, лести, богатства и всякия суеты, и сотвори тое доброю землею к приятию Божественного Твоего Слова, да сотворю плод веры и имею часть со избранными Твоими, иже плод приносят Тебе ово сто, ово шестьдесят, ово тридесять, — яко благословен еси со Отцем и Святым Твоим Духом вовеки, аминь».

2. Молитва, взятая из истории о хананеянке

(Мф. 15:22-28).

«Помилуй мя, Господи Сыне Божий, Сыне Давидов по плоти, якоже помиловал еси хананею: душа моя зле беснуется гневом, яростию, похотию злою и прочиими пагубными страстьми. Господи! Помози мне, вопию Тебе, не на земли ходящему, но одесную Отца на небесех седящему. Ей, Господи! Даждь мне сердце верою и любовию последовати Твоему смирению, благости, кротости и долготерпению, да и в вечном Твоем царствии сподоблюся причащатися трапезы рабов Твоих, ихже избрал еси. Аминь».

3. Молитва подвергающегося разным искушениям, взятая из истории о бедствующих на море апостолах

(Мф. 8:23-27).

«Господи! Спаси мя, погибаю. Се бо кораблец мой бедствует от искушения волн и близ потопления есть. Ты, яко Бог милосерд и сострадателен немощем нашим, властию Твоею всесильною запрети волнению бедствий, хотящих погрузите мя и низвести во глубину зол, — и будет тишина, яко ветры и море послушают Тебе. Аминь».

4. Молитва, взятая из истории о Преображении

(Мф. 17:1-9).

«Собезначальный Отцу и Духу Слове, нас ради, человек, и нашего ради спасения от Девы родивыйся и на земли поживый! Сподоби мя вкусити благости Твоея, которую святые Твои, любящии и почитающии Тя, и ныне вкушают, странствующе в плачевной мира сего юдоли, — и зрети присносущный свет Твой умным оком, егоже святым Твоим учеником показал еси в Преображении святейшия Плоти Твоея, да, ныне верою зря, потом лицем к лицу сподоблюся видети славу Твою, и со избранными Твоими хвалити Тя и Безначального Твоего Отца и Святаго Духа. Аминь».

5. Молитва, взятая из истории о прокаженных

(Лк. 17:12-19).

«Иисусе, Врачу душ и телес наших, помилуй мя! К Тебе, живущему на небесех и на нас, смиренных, призирающему, возношу от земли глас мой с воздыханием и верою: очисти мою душу, прокаженную грехами, якоже очистил еси десять прокаженных мужей, да явлюся чист пред святейшими очесами Твоими, егда приидеши во славе Твоей, и имею часть со избранными Твоими и с ними восхвалю Тя со Безначальным Твоим Отцем и Пресвятым Духом во царствии Твоем. Аминь».

6. Молитва, взятая из истории о слепцах

(Мф. 20: 30-34).

«Сыне Божий, Свете вечный, и даяй всем свет! Помилуй мя, просвети очи сердца моего, мглою грехов и страстей омраченная, якоже просветил еси слепых, возопивших к Тебе. Да отверзутся и мои очи сердечная, да узрю Тя, Света незаходимаго, и верою и любовию последую Тебе, мене ради, окаяннаго, ходившему по земли. Аминь».

7. Молитва, взятая из разных историй

«Иисусе Христе, Сыне Божий! Призри на мя, якоже призрел еси на грешницу в дому Симонове, на Петра, отвергшагося Тебе, на разбойника на кресте, и сопричти мя покаявшимся Тебе мытарем, блудником и прочиим грешником, яко Ты еси Бог и Спас наш, пришедый в мир грешники спасти, от нихже первый есмь аз. Аминь».

8. Молитва о возобновлении духовном

«Иисусе Сыне Божий, Спасителю и Обновителю мира, злобою греховною обветшавшаго!