Русская жизнь-цитаты 21-31.05.2023

"Андрей Кураев - Молитва о том, о ком не молятся Обратился ко мне... | Facebook","Молитва о том, о ком не молятся Обратился ко мне человек с такой бедой: сын погиб на фронте. Пошел по своей воле. Семья еврейская, но «светская». Сын и не крещен и не обрезан. Все попы-раввины теперь говорят: «он не наш». А отцовская душа именно теперь ощутила потребность в молитве. Взяв за основу молитвы о заведомо несвятых (т.е. самоубийцах), я предложил ему такой вариант: Упокой, Господи, душу усопшаго раба Твоего. Всемилостивый Господи, помилуй мя по милости Твоей, пети Тебе начинающа и молитися о убившемся дерзко, да не в суд ми сие будет, ни в осуждение, Судие Праведнейший. Упокой, Господи, душу усопшаго раба Твоего. Да не будет молитва моя во грех, яко кроткий Давид глаголет: ниже во отягощение души усопшего; но оставление прегрешений наших даруй нам. Упокой, Господи, душу усопшаго раба Твоего. Богатую милость присно всем источая, Всеблагий Боже, и ныне рабу Твоему (имя рек), нами Тебе молящемуся, помилование даруй и с преставльшимися во благочестии причти, аще и скончался в неразумии. Упокой, Господи, душу усопшаго раба Твоего. Твоея красоты сиянием озаритися усопшему благоволи, в вере с почившими, богатый в милости; Ты бо еси Бог наш Единый безгрешный и многомилостивый. Упокой, Господи, душу усопшаго раба Твоего. На месте прохлаждения в вечнем покоище сподоби прияти и раба Твоего, жизнь свою преждевременне пресекшаго: Ты бо еси Един Сильный и немощи наша на Себя восприявый, Господи Боже наш. Упокой, Господи, душу усопшаго раба Твоего. В чертоге небеснем водворитися, Владыко, приими раба Твоего (имя рек), да не услышит он праведнаго Твоего гласа: «не знаю тебя», аще и воистину повинен есть сему. Упокой, Господи, душу усопшаго раба Твоего. Во уповании на Тя, Боже, раба Твоего пощади, Спасе презирая, яко Благ, прегрешения его вольная и невольная. Упокой, Господи, душу усопшаго раба Твоего. Милосердия имеяй неизследимую бездну, Господи, бездну греховную раба Твоего покрый, Человеколюбче, – омыв грех неведения и маловерия его. Упокой, Господи, душу усопшаго раба Твоего. Живыми господствуя и мертвыми владычествуя, помилуй и раба Твоего (имя рек), власть бо имаши всякую на небеси и на земли, Духом вся очищаяй. Упокой, Господи, душу усопшаго раба Твоего. Спасения желающий всем человекам, Боже, приими ныне и наша недостойная моления о рабе Твоем (имя рек), да муки вечныя избавиши, помилован будет с нами. Упокой, Господи, душу усопшаго раба Твоего. Молим Тя, Боже, аще и дерзновенно сие, прогнева бо Тя раб Твой (имя рек), обаче благодатию Твоею умоляем, не возгнушайся молитв наших и помилуй нас, вкупе вси бо повинны есмы пред Тобою, Всесвятый Владыко. Упокой, Господи, душу усопшаго раба Твоего. Из земли создавый человека, Боже, и в землю ныне возвратишася, пощади, Господи, в неразумии сокрушившаго скудельный сосуд свой: можеши бо, Владыко Творче, и паки возставити его от истления. Упокой, Господи, душу усопшаго раба Твоего. Неизреченный и непостижимый, Господи, щедротами несказаннаго Человеколюбия Твоего раба Твоего, презирая согрешения его, яже в ведении и неведении содеянная. Упокой, Господи, душу усопшаго раба Твоего. Озаритися милостию Твоею сподоби, Владыко, и к свету Твоему возведи, из тьмы несветимыя изымая, милосердия ради. Упокой, Господи, душу усопшаго раба Твоего. Жизнью и смертью обладаяй, не затвори милосердия Твоего и рабу Твоему, аще и прегрешившему, обаче ныне горце взывающу. Упокой, Господи, душу усопшаго раба Твоего. Красоты Твоея насладитися сподоби, стыд греха очищая умершаго смертию. Упокой, Господи, душу усопшаго раба Твоего. Безсмертный, от смертных удолий силою Твоею возведи раба Твоего (имя рек), лютою смертию поползнувшагося. Упокой, Господи, душу усопшаго раба Твоего. Имеяй власть живых и мертвых, пощади, Спасе, раба Твоего (имя рек), смертию горькою скончавшагося: Ты бо  живишь и милуешь, ихже хощеши, Творче всех. Упокой, Господи, душу усопшаго раба Твоего. Владыко, Господи, Милостивый и Человеколюбивый, к Тебе взываем: согрешили и беззаконновали пред Тобою, преступили спасительныя Твоя заповеди и любви сыну нашему не явили. Но не яростию Твоею обличи нас, ниже гневом Твоим накажи нас, Человеколюбче Владыко, ослаби, исцели сердечную скорбь нашу, да победит множество щедрот Твоих грехов наших бездну, и Твоея безчисленныя благости глубина да покрыет горькое слез наших море. Ей, Господи, еще молимтися, подаждь рабом Твоим, сродником  скончавшагося, в скорби их утешение и на милость Твою твердое упование. Взыщи, Господи, душу раба Твоего (имярек): аще возможно есть, помилуй. Неизследимы суды Твои. И да будет святая воля Твоя. *** Очень надеюсь, что больше никому не пригодится. Но — вдруг...","Андрей Кураев - Молитва о том, о ком не молятся Обратился ко мне... | Facebook",https://www.facebook.com/diak.kuraev/posts/pfbid0sZZFcx6fTsVvKjnAVRckvNHN6TJa4ZS2X92gDg5JGsdcPPK93CyDaTJZXkwqNeFAl,2023-05-24 03:20:08 -0400